Toyota Prado ən geniş yayılmış SUV-lardan biridir. Bu bloq yazımızda Toyota Prado avtomobilinin xüsusiyyətlərindən, mənfi və müsbət tərəflərindən danışacağıq.
Bu avtomobilin istehsalı 1984 cü ildən indiki günədək davam edir. Pradolar yolsuzluq şəraiti üçün nəzərdə tutularaq istehsal olunsa da ölkəmizdə daha çox şəhərdaxili yollarda istifadə olunur.
Toyota Prado avtomobilinə ümumi baxış:
Toyota Prado avtomobilinin ən çox rast gəlinən mühərriklərdən olan benzin ilə işləyən 2.7 və 4.0 həcmdə olan atmosferik mühərrikləri var. 2.7 həcmdə və ya 2TR-FE kodlu olan mühərrikinin 163 at gücü, 246 torqda və 4 silindiri olur. 0-dan 100-dək sürətlənmə 13.9 saniyə ərzində baş verir.
Avtomobilin klirensi 220 mm-dir. Təkər bazası isə 2790 mm-dir. Toyota Prado avtomobilinin ən çox rast gəlinən modeli 5 qapılı və 7 nəfərlik bazada olan modelidir.
Avtomobilin çəkisi 1880 kiloqramdır. Yanacaq çəni isə 87 litr tutumda olur. Qarışıq sürüş zamanı 11.1 litr, yalnız şəhərdaxili sürüş zamanı isə təqribi 13-14 litr yanacaq 100 kilometrə sərf edir.
Toyota Prado 4.0 həcmdə və ya 1GR-FE kodlu olan mühərrikini 249 at gücündə, 380 torqda və 6 silindirli olur. 0-dan 100-dək sürətlənmə 9.1 saniyə ərzində baş verir. Bu maşının klirensi və təkər bazası 2.7 həcmli mühərrikdə olduğu kimi burada da 220 mm və 2790 mmdir. Qarışıq sürüş zamanı 12.4 litr, yalnız şəhərdaxili sürüş zamanı isə təqribi 16.7 litr yanacaq 100 kilometrə sərf edir.
Toyota Prado-nun mənfi cəhətləri:
Söz gedən avtomobillərinin pis cəhətlərindən biri mühərrikində yaranan yağ yemə problemidir. Bu problem adətən 100.000 kilometr sürüşdən sonra başlayır, buna səbəb isə porşen kolçalarının enlənməsidir.
! Mühərrik yağlar haqqında ətraflı: Mühərrik yağlarının üzərindəki rəqəmlər və hərflər nəyi bildirir?
2.7 həcmli mühərrikli Pradoların başqa bir mənfi cəhəti də aşağı torq parametrlərinə görə performansının yetərsiz olması və avtomobilin çəkisindən qaynaqlı yüksək yanacaq sərfiyyatıdır.
Toyota Prado-nun müsbət tərəfləri:
Bu modelin ən əsas 3 müsbət cəhəti soruşularsa aşağıdakıları sadalamaq olar:
1 - Avtomobil ölçüləri:
Modelin hündür və geniş olması onun ən üstün cəhətlərindəndir. Avtomobil iri həcmli olmasına baxmayaraq avtomobilin çıxıntılarının hiss edilməsində çətinlik çəkilmir.
2 – Dözümlülüyü:
Avtomobil müxtəlif çətin şəraitli yollar üçün idealdır. Bu onu həm şəhər, həm də dağlıq yollarda rahat istifadəsi üçün arzuedilən edir. Prado, demək olar ki, öz sinifinin ən dözümlü avtomobili sayılır.
3 - Geniş və münasib qiymətli ehtiyat hissələri:
Müsbət cəhətlərindən biri də Toyota Prado üçün ehtiyat hissələrinin əlçatan və aşağı qiymətə olmasıdır. Qeyd edək ki, SOLO AVTO Servis Mərkəzində də bu modelə uyğun ehtiyat hissələrini münasib qiymətlərlə əldə bilərsiniz.
Modelin indiki dövrə uyğun olaraq 2.7 və 4.0 benzin mühərriklərin 92 oktanlı benzin ilə problemsiz işləməsi də onun müsbət cəhətləri arasındadır.
Toyota Prado-nun asqı sistemi (KDSS):
Pradoda Toyotanın məşhur asqı sistemi KDSS (Kinetic Dynamic Suspension System) istifadə olunur. KDSS də adi yaylı asqı sistemidir, sadəcə olaraq ön və arxa oxlardakı stablizatorlarda əlavə olaraq 2 silindr olur. Bu silindirlər bir-biri ilə 2 kanal vasitəsi ilə bağlıdır. Bu kanallar vasitəsi ilə silindirlərin arasında hidravlik maye axını baş verir. Bunun sayəsində də avtomobil istər şəhər yollarında, istər magistral döngələrdə, istərsə də yolsuzluq şəraitində özünü daha stabil hiss etdirir.
Lakin unutmaq lazım deyil ki, vaxt keçdikçə bu cür sistemlər özlərinə xərc tələb edirlər. Məsələn, həmin hidravlik mayeni bir müddət sonra dəyişmək lazım olur. Eyni zamanda Pradoların yalnız arxa oxunda pnevmatik asqıdan da istifadə olunur. Bu hündürlüyü avtomotik tənzimləmə sistemidir. Siz avtomobili yüklədiyiniz zaman avtomobilin arxa hissəsi stabil hündürlüyü saxlamaq üçün məhz pnevma balonlar vasitəsi ilə bunu tənzimləyir.
Prado 150 kuzada daimi tam ötürücü sistemi istifadə olunur, yəni bütün 4 təkərlər avtomobili hərəkətə gətirmək üçün daim işləyir. Unutmaq olmaz ki, tam ötürücü sistemində reduktor, ön və arxa differensiallar kimi hissələr var. Onların da yağını vaxtı vaxtında dəyişmək lazımdır.
Həmçinin oxumağı tövsiyə edirik:
Toyota ehtiyat hissələri üçün: +994 70 300 27 56
Avtomobilinizə qulluq, ehtiyat hissələri və digər mövzular üçün bizi daim izləmədə qalın. Son olaraq isə özünüzə və avtomobilinizə yaxşı baxın!
