Avtomobil almaq bizi bir çox günlük əziyyətlərdən qurtarsa da, yalnış seçim bizim üçün daha problemlər yarada bilər. Bugünkü, bloqumuzda məhz avtomobil alarkən nələrə diqqət yetirmək lazım olduğu haqqında danışacayıq.
Qeyd edək ki, bloqu video şəklində SOLO AVTO-nun YouTube kanalında izləyə bilərsiniz.
Nümunə olaraq istifadə edəcəyimiz avtomobil modeli şəhərimizdə günü-gündən çoxalan Toyota Prius-dur.
Yeri gəlmişkən, istənilən Toyota Prius ehtiyat hissələrini aşağıdakı linkdə tapa bilərsiniz: Toyota Prius ehtiyat hissələri
1) Avtomobilin xarici görünüşü
İlk öncə avtomobilin görünüşünə diqqət yetirmək lazımdır. Adətən böyük zərbə görən maşınlar qıraqdan baxanda biraz əyri-üyrü görünürlər.
2) Rəng örtüyü
Daha sonra keçirik rəng tonlarına. Avtomobil tam olaraq bir rəng çalarında olmalıdır. Əgər siz “bezkraska“ (sonradan rəng dəyməyən) maşın axtarırsınızsa, şübhələndiyiniz detalları işıqla da yoxlamaq olar. Bu qaydada tutub, məsəl üçün suvaq izi varsa, bunu bu işıqla böyük ehtimal təyin edə bilərik ki, hansısa detalda suvaq var və yaxud da yoxdur. Bu avtomobildə kapotda iş görülüb. Kapotun rəng tonu zavoddakı ilə uyğun deyil. Onu da qeyd edək ki, əksər maşınlarda buferlərin rəngi və kuzanın rəngi zavoddan fərqlənir.
Qeyd: Bu prosesi YouTube kanalımızda (@soloavto) video şəklində izləyə bilərsiniz.
Daha sonra kantlara fikir veririk. Adətən hardansa zərbə-zədə olanda, malyarlar (rəngsazlar) kantdan aşağı və ya yuxarı hissələri rəngləyirlər. Yəni keçid verirlər ki, rəng tonları seçilməsin.
3) Hissələr arasında məsəfə, yəni zazorlar
Əsas məsələ zazorlar - hissələr arasında olan məsafə. Adətən ön hissədən güclü zərbə olduqda: kapot, qanad sıxlaşır qeyri simmetrik şəkildə şüşə tərəfə. Ola bilər ki, tinləri də toxunsun, orda rəng tökülür. Təmir edəndə də bu hissəni çox adam heç rənglətdirmir. Videoya baxanda, Toyota Prius avtomobilinin zazorlarını görə bilirik xüsüsən də bufer hissəsində. Bufer ümümiyyətlə yaxşı vəziyyətdə deyil.
4) Mühərrikxana
İlk növbədə diqqət yetiririk kapotun petlələrinə. Kapotun açılmamasını nədən bilmək olar? Əgər boltların üzərindəki rəng getməyibsə, yəni zavoddan qalan rəngdirsə deməli kapot açılmayıb. Daha sonra istehsal ilinə nəzər salmaq lazımdır. Avtomobil ilə eyni istehsal tarixində olmalıdır. Əgər maşının ili hissələrin ilindən fərlənirsə bu o deməkdir ki, bu hissə dəyişilib. Dəyişmə səbəbi müxtəlif ola bilər. İlk öncə ağıla gələn isə - zərbədir.
Avtomobili almazdan əvvəl farasına da baxmaq lazımdır. Maşın ilə eyni istehsal ilində olmalıdır. Təəssüf ki, bu Toyota Priusda fara istehsal tarixi görünən yerdə deyil, amma əksər avtomobillərdə görünən yerdədir.
-
Boltlar
Bütün boltlara fikir vermək lazımdır. Qanadların boltlarının üzərində rəng yeyintisi varsa, bu o deməkdir ki açılıb. Daha sonra diqqət yetiririk plastmas elementlərə. Adətən qırıq, çat olanda çox adam dəyişmir. Videoya baxsaq görərik ki, plastmas element oynayır. Yüngül qaldıranda isə batıq görünür.
-
Bokavin və lanjeronlar
Avtomobil alışı zamanı həmçinin bokavinlərə və lanjeronlara da diqqət yetirmək lazımdır. Əgər bokavinlə avtomobilin çöl rəngi eynidirsə, böyük ehtimal maşında vuruq var. Nəyə görə? – Çünki əksər istehsalçılar, avtomobili istehsaldan çıxardan zaman bokavinlərdə ümümiyətlə maşının iç hissəsini çöl rəngində rəngləmir. Yəni biraz matt təhər olur.
-
Ban hissəsi
Avtomobilin banı tək bütöv bir hissə deyil. Müxtəlif hissələrin bir birinə birləşməsidir. Bu birləşmələr çox vaxt qaynaq ilə birləşdirilir.
Bəs bu nə üçün edilir? Avtomobil dönərkən, çuxura düşərkən və ya digər hərəkətlər edərkən, ban hərəkət edə bilsin. Bu 1 ədəd bütöv qaynaq ilə olsaydı, bir neçə kilometr yol getdikdən sonra ban dağılacaqdır. Onda görə də bu qaynaq yerlərinə diqqət yetirmək lazımdır. Adətən təmir olunan avtomobillərdə bunlar görünmür. Onlar nöqtə şəklində olur.
-
Lanjeronlar
Avtomobil alarkən lanjeronlara da baxmaq lazımdır. Lanjeronlar düz olmalıdır, üzərində karroziya və digər izlər olmamalıdır. Bunlar varsa, o deməkdir ki, avtomobildə güclü zərbə olub.
-
Hermetik
Hermetikə xüsusi diqqət yetiririk. Hermetik zavoddan səliqəli şəkildə vurulmuş olmalıdır. Amma Toyota avtomobillərində nədənsə səliqəli şəkildə olmur.
-
Kapotun alt hissəsi
Kapotun alt hissəsinə baxırıq. Hermetik düz olmalıdır. Adətən detal təmirdə olursa hermetik zədələnir və ya yenidən vurulur, amma çox vaxt səliqəsiz şəkildə olur. Kapotun altında rəng axıntıları olmamalıdır. Əgər bu varsa, demək kapot rənglənib.
Əgər su radiatoru, su çəni və digər belə hissələr təzədirsə bu biraz şübhəlidir. Bu yürüş (probeq) və yaxud qəza səbəbindən dəyişdirilə bilər.
5) Şüşələr
Şüşələr orijinal deyilsə, dəmək ki dəyişilib. Bunun səbəbi qəza, daşın dəyməsi və s. ola bilər. Videomuzda göstərilən avtomobildə ön şüşə dəyişilib. Orijinalda bu hissədə TOYOTA yazılır, bu artıq orijinal deyil.
Lakin, şüşələrdə TOYOTA yazısı olsa belə bu həmişə orijinal olduğunu göstərmir. Nəzər yetiririk şüşənin istehsal tarixinə, avtomobil ilə eyni istehsal tarixində olmalıdır.
Hər avtomobildə yazılış tərzi fərqlidir. Yəni istehsal tarixinin yazılış tərzi fərqlidir. Bunu öz avtomobilinizə uyğun internet vasitəsi ilə tapa bilərsiniz.
6) Qapı nahiyəsi
Qapının petlələrinə fikir vermək lazımdır. Əgər boltların üzərində rəng yeyintisi varsa, bu deməkdir ki, qapı açılıb. Diqqət yetiririk dirəyin üzərindəki stikerlərə, xüsüsən də tinlərinə. Əgər bunlar qopardırılıb və yenidən yapışdırılıbsa, böyük ehtimal avtomobilin bu tərəfi rənglənib və yaxud da digər işlər görülüb.
Müəyyən avtomobillərdə, məsələn Range Rover-lərdə nöqtə qaynaq əvəzinə pərçim olur. Yani onu görəndə qorxmaq lazım deyil, çünki Range Roverlərdə bu hissə aliminiumdan olduğuna görə, burada qaynaq olmur.
Damın üzlüyünü yüngül ayırırıq. Təhlükəsizlik yastıqlarının yerində olmasına əmin oluruq. Ola bilər ki, yastıq açılıb, sonra burub yenidən yerinə qoyublar. Əgər yastıq çirklidirsə, üzərində səliqəsiz bağlanmış nəsə varsa, bu o deməkdir ki, təhlükəsizlik yastığı artıq açılıb.
Oxumağı tövsiyə edirik:
- Mühərrik yağlarının üzərindəki rəqəmlər və hərflər nəyi bildirir?
- Avtomobildə ən çox tələb olunan ehtiyat hissələri hansılardır?
7) Salon və ön panel
Salonda diqqət edəcəyimiz əsas məqam panelin qıraqlarıdır. Buradan bilinir panelin yenidən üzlənib – üzlənməməsi. Əgər yenidən üzlənibsə, xüsusən də yeni avtomobillərdə bu biraz şübhəlidir. Fikir veririk AİRBAG yazısına. Bu yazı da səliqəli olmalıdır. Əgər panel yenidən üzlənibsə, onu əl ilə və ya hansısa cihaz vasitəsi ilə yenidən ora yazırlar, o da çox vaxt səliqəsiz olur. Əgər bu əlamətlər varsa, yəqin ki, AİRBAG lar açılıb və paneli də ona görə yenidən üzləyiblər.
8) Baqaj və arxa qanadlar
Gəldik çıxdıq son mərhələyə, yəni yük hissəsinin yoxlanışına. Nöqtə qaynağa, rənglənməyə baxırıq, rəng və lak axıntıları olmamalıdır. Arxa qanadlara içəridən nəzər salsaq yaxşı olar. Çünki ön qanad zədələnəndə onu çıxardıb dəyişdirmək problem deyil. Lakin arxa qanadda zədə olduqda, onu dəyişmək biraz problematikdir, çünki ban ilə bitişik bir hissədir. Lakin bəzi avtomobillərdə bunu yoxlamaq asan deyil. Üzlüyü aralamaq çətindir.
Sonra yük hissəsinin üst örtüyünü çıxardırıq. Fikir veririk banın rənginə. Avtomobilin üst rəngi ilə eyni rəngdə olmalı deyil, biraz mattəhər olmalıdır, nöqtə qaynaq yerində, zavod hermetik olmalıdır. Pas, karroziya, təmir izləri olmamalıdır. Əgər pas və karroziya varsa, böyük ehtimal təmir işləri olunub, hermetiki düz vurmayıblar, su keçib və karroziya baş verib.
- Avtotəmir xidmətləri üçün: Görəsən təmir xidməti neçəyə başa gələcək?
- Ehtiyat hissələri üçün: Kia, Hyundai, Toyota, Nissan, Mitsubishi, Infiniti, Lexus üçün ehtiyat hissələri.
