Mühərriyin ömrünü qısaldan 5 əsas səbəb hansılardır?
Mühərrik avtomobildə ən vacib hissələrdən biridir. Bu hissə bir nə qədər sağlamdırsa, bir o qədərdə avtomobilimiz yaxşı işləyəcək. Bəs mühərriyin ömürünü necə uzatmaq olar? Bunun üçün biz motora ziyan edən səbəbləri bilməliyik. Beləliklə, SOLO AVTO-nun təqdimatında, mühərriyin ömrünü qısaldan 5 əsas səbəb:
1. Mühərriyi qızdırmamaq:
Avropada mövcüd olan ekoloji normalara görə istehsalçılar iddia edirlər ki, müasir maşınları işə salan kimi hərəkətə davam etmək olar. Təbii ki, avtomobili işə salıb 12 il də gözləmək də lazım deyil. Belə olduqda siz ona daha da ziyan edirsiz. Çünki aşağı dövrlərdə mühərrikdə - xüsusən də klapanlarda qara çöküntü daha tez əmələ gəlir. Lakin mühərriyi işə salan kimi sürmək də düzgün deyil. Məsləhətdirsə işə saldıqdan 3-4 dəqiqə sonra mühərriyin dövrü aşağı düşür və yavaş-yavaş hərəkətə başlamaq olar.
2. Aşağı dövrlər
Bəli, maşını daim aşağı dövrlərdə sürmək də mühərriyin ömrünü azaldır. Aşağı dövrlərdə mühərriyə çox yük düşür, yağ nasosu isə aşağı təzyiq ilə işləyir. Nəticədə hissələrin yağlanması düzgün baş vermir. Motorun dövrlərini qaldırmaqdan qorxmaq lazım deyil, lakin bu o demək deyil ki, daim qırmızı zonada və ya ona yaxın sürmək lazımdır.
3. Qırmızı zona:
Qırmızı zona demişkən, maşın daim ekstremal şəraitdə istifadə ediriksə, yəni dövrlər daim qırmızı zonadadırsa mühərrik tez bir zamanda sıradan çıxacaq. Ona görə ki, dirsəkli val ekstremal dövrlərdə (söhbət qırmızı zonadan gedir) maksimal sürəti ilə dövr edir və piston (porşen) halqalar yağı silindir divarlarından normaldan tez götürür. Nəticədə quru sürtünmə baş verir, piston (porşen) qrupu yüksək temperaturda işləyir və sıradan çıxır.
4. Antifrizin yerinə su istifadə etmək:
Bu birbaşa mühərriyin ölümü deməkdir. Bəs səbəb nədir? İlk olaraq antfirizin və suyun soyutma keyfiyyətləri tamam fərqlidir. Cihazlar tablosu temperaturu normal göstərsə belə maşın diaqnostikası üçün proqramdan istifadə edərək mühərriyin yağınının temperaturuna baxsaq temperatur bir neçə dərəcə yuxarı olacaq. Bu da maşın mühərriyin hissələrinin normal temperaturda işləməməsi və yağın keyfiyyətini tez itirməsi deməkdir.
5. Mühərrik yağını gec-gec dəyişmək:
Hər bir əşyanın və ya maddənin istifadə müddəti var. Motor yağı da istisna deyil və zamanı gəldikdə dəyişilməlidir. Bu zaman aralığı isə 20 000 km, və ya 15 000 km deyil, ən çoxu 10 000 km olaraq məsləhət görülür. Təbii ki, bu məqam əgər avtomobil daim şossedə sürülürsə nəzərdə tutulmalıdır. Şəhərdə sürülən avtomobillərdə isə 7 000 km sürüşdən sonra yağ dəyişilməsi məsləhətdir. Maşın sürüldükcə, motor yağı da istifadə olunur. Tıxacda və ya işiqforda gözlədiyimiz zaman yağın temperaturu yuxarı olur və yağ keyfiyyətini daha tez itirir. Bu arada yağ haqqında videonu buradan izləyə bilərsiniz.
- Oxumağı tövsiyə edirik: Kondisioner filterini necə dəyişmək olar?
Bütün bu məlumatlar avtomobilinizin mühərriyinin daha gec sıradan çıxması və ona qulluq üçün olan məsləhətlərimizin bir hissəsidir. Bu məsləhətlərimizlə SOLO AVTO komandası olaraq avtomobilinizin qayğısına qalmaq öncəliyimizdir.
- Mitsubishi Ehtiyat Hisseleri
- Lexus Ehtiyat Hisseleri
- Hyundai Ehtiyat Hisseleri
- İnfiniti Ehtiyat Hisseleri
- Kia Ehtiyat Hisseleri
- Toyota Ehtiyat Hisseleri
- Nissan Ehtiyat Hisseleri
Bizi izləyərək avtomobiliniz, ona qulluq və təmiri haqqında daha ətraflı məlumatları YouTube kanalımızdan əldə edin.