Avtomobil alarkən müxtəlif seçimlər qarşısında qalırıq. Rəng, motorun gücü, marka və hətta neçə qapılı olmasına belə əvvəlcədən qərar verməliyik. Amma bir məsələdə var ki, bu çoxları üçün ən çətin sullardan biri olur.
Qabaq çəkən yoxsa arxa çəkən?
Yəqin ki, eşitmisiniz qabaq çəkən və arxa çəkən avtomobillər mövcuddür. Bu mövzunu biraz da geniş izah etmək lazımdı ki, insanlarda sual qalmasın. Avtomobillərin 2 təkər ötürücülü, 4 təkər ötürücülü və tam ötürücülü variantları mövcuddur. İngilis dilində 2 WD, 4WD, və AWD kimi yəqinki çox yerdə qarşısına çıxıb. Qabaq çəkən və arxa çəkən seçimi isə 2WD, yəni 2 təkər ötürücülü sistemlərdə mövduddur və bunlara on və arxa ötürücülü sistemlər deyilir. Məsələni çətinləşdirməmək üçün biz qabaq çəkən və arxa çəkən kimi davam edəcəyik
Bəli, 2 təkərli ötürücü avtomobil alarkən bu variantlardan birini seçmək lazımdı. Bu ən vacib qərarlardan biridir. Amma çox sürücü hansı variantın ona uyğun olduğunu seçə bilmir. Biz qərar verməyinizə köməy etmək üçün bu 2 seçimin fərqlərini araşdırıb sizə təqdim edirik.
Tarix
Qabaq çəkən avtomobillər nəinki, Azərbaycanda hətta dünyada çoxluq təşkil edir. Amma bu həmşə belə olmayıb. 60-ci illərdən öncə dünyada əksər avtomobillər arxa çəkən idi. Bunun əsas səbəbi həmin dövrün texnologiyası ilə arxa çəkən avtomobili quraşdırmaq daha rahat idi.
Lakin bir avtomobil bu trendi dəyişdi. Bu avtomobil 1959-cu ildə istehsal olan Austin Mini idi. Bu avtomobildə köndələn motor və transmissiya istifadə olunmuşdu. Bu da tranmissiya tunnelinə ehtiyac olmadığı və avtomobilin döşəməsi düz olmasına imkan verirdi ki, avtomobildə daha çox boş yer əmələ gəldi. Əslində bu konsept yeni deyildi, sadəcə olaraq Mini bu dizaynı populyarlaşdırdı. Bu dizayn o qədər kopyalandı ki, artıq müasir dövrdə qabaq çəkən avtomobillər dünya bazarında demək olar ki, tam liderlik edir.
Arxa Çəkən
Günümüzdə arxa çəkən sistem idman, luks və ekzotik avtomobillərdə çoxluq təşkil edir. Xüsuilə Formula 1 və Nascar yarışlarında arxa çəkən avtomobillərdən istifadə olunur.
Bəs idman avtomobillərinin arxa çəkən olmasının əsas səbəbi nədir?
Yük transferi
Yəni sürət artdıqca avtomobildə arxaya doğru yük artır və təkərlər yerə doğru sıxılır. Buda imkan verir ki, avtomobili yüksək sürətdə daha rahat kontrol etmək olsun. Arxa çəkən avtomobillər yükü arxaya verdiyi üçün avtomobili yerindən daha rahat götürmək olur.
Əlavə olaraq, yolsuzluq avtomobillərinə əsaslanan ənənəvi yük maşınlarında və pikaplarda arxa çəkən ötürücü istifadə olunur.
Yeri gəlmişkən, klassik avtomobil markaları BMW və Mercedes, istehsal etdikləri avtomobillərin əksəriyyətində arxa təkər ötürücülərindən istifadə etməyə üstünlük verirlər.
Qabaq Çəkən
Qabaq çəkən avtomobillər komfort və rahat istifadə üçün dizayn olunmuşdur. Bayaq da qeyd etidiyim kimi, avtomobilin yastı döşəməsi avtomobildə daha çox boş yerə gətirib çıxarmışdı. Buna motor, transmissiya və differensialın bitişik və kompakt dizaynı ilə nail olunmuşdur. Beləliklə daha az detal daha yüngül avtomobili ərsəyə gətirmişdi.
Qabaq çəkən avtomobillərin digər bir üstünlüyü isə yer yaş olduqda daha az sürüşməyə meyilli olmasıdı. Yəni qarlı və yağışlı havalarda yük qabağa düşdüyü üçün avtomobil daha rahat idarə olunur və sürüşə nəzarət itmir.
Ölkəmizdə də son dövrlər xüsusilə ekonom maşınlara üstünlük verildiyinə görə, on təkər ötürücüsü çoxluq təşkil edir. Toyota Kamri, Toyota Corolla, Hyndai Sonata, Kia Cerato, Kia Rio kimi avtomobillərdə ön təkər ötürücüsü istifadə olunub. Mercedes 190, BMV F10 kimi avtomobillərdə isə arxa təkər ötürücüsü istifadə olunub.
Sonda, əgər şəhər içi rahat sürüş istəyirsinizsə qabaq çəkən, özünüzü formula 1 sürücüsü hamilton kimi hiss edirsinizsə arxa çəkən avtomobilə üstünlük verməlisiniz. Seçiminizi kommentlərdə bildirməyi unutmayın.
