Lamborgini, Ferrari və Aston Martin. Sizcə bu 3 brendi nə birləşdirir? Azərbaycanlı avtomobil dizayneri Samir Sadıxov.
1990-cı ildə Gəncədə anadan olan Samir uşaq yaşlarından avtomobil dizaynına marağı olur. Tələbəlik illərində İtalyanın Turin şəhərində yerləşən Avropa Dizayn Universitetində, daha sonra isə Almaniyanın Pforzaym universitetində dizayn biliklərinə yiyələnir.
İlk dəfə Ferrari Dizayn Çempionatında iştirak edir. Küləkdən ilhamlanaraq adını verdiyi Ferrari Xəzri konsepti həmin yarışda ikinci yer tutur. Hətta Ferrari 458 modeli istehsal olunarkən bu dizayndan ilhamlanır.
2018-ci ildə öz komandasıyla birgə avtomobil dünyasında ən nüfuzlu mükafatlardan olan ilin ən yaxşı konsept avtomobili mükafatını qazanır.
Karyerası boyu Lamborgini , Rezvani Motors, Hyndai və bir çox iri avtomobil istehsalçılarıyla işləyib. Halhazırda Hyndai Groupuna aid Genesis markasında əsas dizayneri olaraq çalışır.
Samirin ən son işi keçən il Los Ancelos avtomobil sərgisində təqdim olunan tam elektrikli Genesis X Convertible olub.
Həmyerlimiz el arasında Ferrari Samir kimi də tanınır.
